Trajneri i Chelseat, Enzo Maresca, ka shprehur entuziazmin e tij të madh për Jadon Sanchon, blerjen e fundit të klubit nga Manchester United. Në një deklaratë për mediat, Maresca e vlerësoi Sanchon si një lojtar të jashtëzakonshëm dhe një forcë e rëndësishme për skuadrën e tij.
“Ishte pikërisht ajo që prisja. Ai është një lojtar shumë i mirë, me aftësi të shkëlqyera në situatat ballë për ballë dhe shumë cilësi në sulm. Jam i sigurt se do të kontribuojë shumë për ne,” tha Maresca duke i dhënë një vlerësim të lartë Sanchos.
Sancho është transferuar në Chelsea në formë huazimi me një opsion blerjeje të detyrueshme që vlerësohet nga 25 deri në 30 milionë euro. Anësori anglez pritet të bëjë debutimin e tij të shumëpritur për Chelsean në ndeshjen e ardhshme kundër Bournemouth që do të luhet të shtunën.
Me këtë transferim, Chelsea ka synuar të forcojë sulmin e saj dhe të shtojë cilësi në krahët e skuadrës, duke besuar se Sancho do të sjellë një ndikim pozitiv dhe do të ndihmojë në përmbushjen e objektivave të klubit për sezonin në vazhdim./UBTNews/