Më 23 korrik të vitit 1649, në Romë lindi Gjon Françesk Albani, i njohur më pas si Papa Klementi XI, i cili u bë papa i 243-të i Kishës Katolike për një periudhë të gjatë shërbyerjeje, nga 23 nëntori 1700 deri më 19 mars 1721.
Papa Klementi XI mori mbiemrin “Albani” për shkak të origjinës së tij shqiptare. Ai kreu shkollimin e tij të plotë në Romë dhe shpejt u ngrit në shkallët e karrierës kishtare për shkak të aftësive të tij të jashtëzakonshme. Ai përballi një papni të turbullt, duke u përpjekur të menaxhojë konflikte të mëdha ndërkombëtare që influencuan Europën në kohën e tij. Ndër to ishin konfliktet midis Francës dhe Spanjës, si dhe rreziku i sulmeve të mundshme armiqësore kundër papës.
Në veçanti, Papa Klementi XI u angazhua personalisht për fatet e popullit shqiptar. Ai organizoi Kuvendin e Arbërit në vitin 1703 dhe kontribuoi në botimin e aktet e tij në gjuhën shqipe dhe latinisht, një veprim i rëndësishëm për traditën letrare shqiptare. Për këtë kontribut të jashtëzakonshëm në ruajtjen dhe promovimin e kulturës shqiptare, emri i tij mbeti në kujtesën kombëtare si një ndihmës i çmuar për rilindjen shpirtërore dhe kombëtare të Shqipërisë.
Papa Klementi XI vdiq në 19 mars 1721 në Romë, por trashëgimia e tij për historinë dhe kulturën shqiptare vazhdon të mbetet e shquar dhe e vlerësuar./UBTNews/