Sulmuesi anësor i Interit, Ivan Perisic është duke e konsideruar një transferim të mundshëm te skuadra angleze, Tottenham Hotspur, raporton “Sport 1”.
Kontrata aktuale e 32-vjeçarit me Interin përfundon në qershor të vitit 2022, dhe raportohet se bisedimet janë hapur nga krerët e kampionit italian për të rinovuar kontratën e yllit kroat.
Sidoqoftë, Tottenham së fundmi ka qenë seriozisht i lidhur me një transferim të Perisic, i cili spekulohet të jetë i hapur rreth idesë së ribashkimit me ish-trajnerin e tij te Interi Antonio Conte në Premier Ligën angleze.
Këtë sezon, Perisic në 17 paraqitje në të gjitha garat për Interin ka regjistruar tre gola dhe dy asistime mbi emrin e tij.