Një pauzë prej disa ditësh nuk është kohë e mjaftueshme për të adresuar nevojat e jashtëzakonshme pas gjashtë javësh luftimesh dhe shkatërrimesh, thotë Jan Egeland, sekretari i përgjithshëm i Këshillit Norvegjez të Refugjatëve.
“Pauza humanitare e rënë dakord midis grupeve të armatosura në Gaza dhe Izrael duhet të hapë rrugën për një armëpushim të qëndrueshëm”, tha Egeland në një deklaratë.
“Ne kemi nevojë për akses të papenguar në ndihma humanitare dhe garanci sigurie në të gjithë Gazën për të mbështetur një rimëkëmbje afatgjatë. Një armëpushim i qëndrueshëm është i nevojshëm për të parandaluar vdekjet e mëtejshme të civilëve dhe për të ofruar siguri për njerëzit që kanë nevojë për ndihmë jetike humanitare”, shtoi ai.
“Fëmijët janë të traumatizuar dhe shumë përballen me një të ardhme pa prindërit dhe vëllezërit e motrat e tyre. Ata kanë nevojë për ndihmë urgjente dhe afatgjatë. Kjo mund të ndodhë vetëm përmes një armëpushimi të qëndrueshëm”, tha Egeland./UBTNews/