Rreth 3,000 oficerë policie do të vendosen në qendrën e Parisit dhe rreth stadiumit ‘Parku i Princave” të dielën gjatë dhe pas finales së Ligës së Kampionëve midis PSG dhe Bayern në Lisbonë.
Policia dëshiron një numër të madh njerëzish për të parandaluar dhunën dhe skenat e pakëndshme që ndodhën pas fitores së PSG në gjysmëfinalen e Ligës së Kampionëve.
Një pjesë e festimit u shndërrua në përleshje me policinë dhe një seri vjedhjesh në dyqane rreth Champs Elysees. Janë ndaluar gjithsej 36 persona, me 14 të akuzuar për “dhunë” ndaj policisë dhe pjesa tjetër për vjedhje.
Policia u kritikua më pas për të dalë në rrugë me një numër të vogël oficerësh. Kësaj radhe, policia do të mbyllë 17 stacione metro për arsye sigurie, dhe një pjesë rreth Parisit do të bllokohet.
PSG ka njoftuar se do të krijojë një mur të madh video për 5,000 spektatorë në stadiumin ‘Parku i Princërve”. Të gjithë ata që hyjnë në stadium do të duhet të dezinfektojnë duart dhe duhet të bartin maska.
Përcjellja e finales do të sigurohet në qendrën stërvitore në periferi të qytetit ku atë do të jenë në gjendje ta shikojnë 500 spektatorë.