Presidentja e Kosovës, Vjosa Osmani e ka kujtuar heroin kombëtar, Gjergj Kastrioti-Skënderbeun, në përvjetorin e vdekjes së tij.
Ajo mes tjerash shkroi se heroi kombëtar Skënderbeu e krijoi lidhjen e përhershme mes shqiptarëve.
“Sot kujtojmë kryestrategun dhe heroin tonë kombëtar, Gjergj Kastrioti-Skënderbeu, i cili me përkushtimin e tij ndaj mbrojtjes së atdheut, mbrojtjes së vlerave kulturore e etnike të popullit të tij, por edhe me aleancat e fuqishme me popujt evropianë, e krijoi lidhjen e përhershme mes shqiptarëve, por edhe me popujt e qytetërimit perëndimor.
Të përkulemi, Skënderbe!” ka shkruar Osmani në llogarinë e saj në Facebook./UBTNews/