OKB, sot tha se situata humanitare në Ukrainën lindore, është jashtëzakonisht alarmante dhe vazhdon të përkeqësohet, katër muaj pas pushtimit rus.
“Afro katër muaj që nga fillimi i luftës, situata humanitare në të gjithë Ukrainën, veçanërisht në Donbasin lindor, është jashtëzakonisht alarmante dhe vazhdon të përkeqësohet me shpejtësi. Gjithashtu edhe në Severodonetsk, situata është e tmerrshme, betejat e përgjakshme janë ndezur prej javësh”, tha në një deklaratë agjencia humanitare e OKB-së, OCHA.
Qindra civilë besohet të jenë të bllokuar në qytet, me disa të strehuar në fabrikën kimike lokale.
“Ka zvogëlim të aksesit në ujë të pastër, ushqim, kanalizime dhe energji elektrike. Ndërsa armiqësitë aktive vazhduan të përshkallëzohen në Ukrainën lindore, lufta po merr një taksë të madhe mbi civilët, përfshirë punonjësit e ndihmës. Megjithë sfidat e mëdha të aksesit, OKB-ja dhe partnerët humanitar kanë arritur mbi 8.8 milionë njerëz në të gjithë Ukrainën që nga fillimi i luftës”, tha OKB. /UBTNews/