Klubet nga Arabia Saudite siç duket dëshirojnë që të fillojnë një revolucion të ligës së tyre, duke qenë atraksion për shumë emra të njohur të futbollit evropian.
Pas një marrëveshje të raportuar mes Al Ittihad dhe Karim Benzemas, tani një skuadër tjetër nga Arabia Saudite dëshiron të përforcohet me një emër të njohur të futbollit.
Siç bëhet e ditur nga Fabrizio Romano, skuadra e Al Fateh ka bërë një ofertë zyrtare për Alexis Sanchez.
10 milionë euro në sezon është oferta që i është ofruar sulmuesit të Marseille. Kontrata e vlefshme deri në vitin 2024, me opsionin për ta zgjatur edhe për një tjetër vit.
Mbetet të shihet nëse kjo ofertë do të jetë atraktive për Sanchez, dhe nëse ylli kilian do ta pranojë atë.