Në përpjekjet e tyre për të krijuar një “iluzion përmirësimesh” në Mariupol, pushtuesit rusë po krijojnë një “katastrofë të re humanitare”, tha një zyrtar ukrainas.
Ata rivendosën pjesërisht furnizimin me ujë në qytet, por uji që rrjedh nga tubat e dëmtuar do të përzihet me ujërat e zeza dhe do të përhapë infeksione, tha në Telegram këshilltari i kryebashkiakut, Petro Andriushchenko.
Për shkak se disa javë granatime shkatërruan impiantet e trajtimit të ujërave të zeza në portin detar Azov, pushtuesit ka të ngjarë të shkarkojnë ujërat e zeza direkt në det, tha ai./UBTNews/