Ka nisur zyrtarisht fushata zgjedhore për zgjedhjet e parakohshme parlamentare që do të mbahen më 7 qershor 2026 në Kosovë.
Fushata do të zgjasë deri në fillimin e heshtjes zgjedhore, një ditë para ditës së votimit.
Sipas të dhënave të Komisionit Qendror të Zgjedhjeve, në këto zgjedhje kanë të drejtë vote gjithsej 2,092,174 qytetarë. Prej tyre, 1,959,962 do të votojnë brenda Kosovës, ndërsa 132,212 qytetarë janë regjistruar për votim nga diaspora përmes postës ose përfaqësive diplomatike.
Nga votuesit jashtë vendit, 100,970 do të votojnë përmes postës, 3,518 përmes kutive postare në Kosovë, ndërsa 27,724 do të votojnë fizikisht në përfaqësitë diplomatike.
Në garë për 120 ulëset e Kuvendit të Kosovës marrin pjesë 23 subjekte politike me gjithsej 917 kandidatë, prej të cilëve 603 janë burra dhe 314 gra.
Komisioni Qendror i Zgjedhjeve ka bërë të ditur se po finalizon përgatitjet teknike dhe organizative për të siguruar një proces zgjedhor të rregullt, transparent dhe demokratik.