Klubi anglez West Ham United ka shfaqur interes për të blerë futbollistin francez N’Golo Kante nga klubi arab Al-Ittihad. Kante, i cili bëri një performancë të shkëlqyer në Euro 2024, është vlerësuar si një nga lojtarët më të mirë të Francës gjatë turneut europian.
Edhe pse aktualisht është në kontratë me Al-Ittihad në Arabinë Saudite, West Ham ka nisur bisedimet për të siguruar shërbimet e tij. Përfaqësuesit e klubit anglez kanë zhvilluar takime të drejtpërdrejta me përfaqësuesit e Al-Ittihad dhe me kampin e vetë Kantes, në një përpjekje për të arritur një marrëveshje.
Megjithatë, Al-Ittihad e konsideron Kanten si një pjesë kyçe dhe një profesionist të lartë në skuadër, dhe nuk ka ndërmend të eci në një shkëmbim lojtarësh me West Ham United për futbollistin e tyre të çmuar./UBTNews/