“Los Angeles Times” ka raportuar kohët e fundit se suksesi i “Squid Game” ishte një ndihmë e madhe për Netflix, konkretisht, një shumë prej 900 milionë dollarësh, por krijuesi i serialit nuk e ka “shijuar” këtë sukses.
Krijuesi i “Squid Game”, Hwang Dong-hyuk ishte refuzuar dhjetë vjet para se Netflix ta pranonte për ta kthyer më pas në historinë e suksesit të transmetimit të vitit 2021.
Megjithatë, ndërsa marrëveshja që ai bëri me Netflix ishte ‘e mjaftueshme’ për të, ai nuk merr shumë prej saj, duke llogaritur edhe humbjen e të gjitha të drejtave të Squid Game si një pronë intelektuale.
Pra, me të gjithë suksesin e jashtëzakonshëm të sezonit të parë të Squid Game, Dong-hyuk nuk mori para shtesë në vazhdën e asaj arritjeje./RevistaClass