Federata e Boksit të Kosovës (FboxK) përmes një komunikate zyrtare ka informuar se nesër do të bëhen homazhet për ish-boksierin Xhevdet Peci.
Në përkujtim të legjendës së boksit kosovar, homazhet do të mbahen në Pallatin e Rinisë dhe Sporteve në Prishtinë me fillim nga ora 09:00 deri në ora 12:00.
Po ashtu, FboxK ka bërë të ditur se varrimi i të ndjerit do të bëhet në ora 16:30, në fshatin Zhazhë në Komunën e Mitrovicës.
Ndërkaq, me fillim nga ora 19:30 do të mbahet një mbledhje përkujtimore për ish-boksierin Xhevdet Peci, në Qendrën e Kulturës në Mitrovicë.