Për shkak të shqetësimeve të ndiera gjatë stërvitjes së fundit, është vendosur që portieri Arijanet Murić të mos ngarkohet më tej, me qëllim shmangien e rrezikut për ndonjë lëndim të mundshëm.
Për shkak se portieri rezervë Faton Maloku nuk ka mundur t’i bashkohet ekipit, përzgjedhësi Franco Foda ka vendosur të ftojë portierin e Kombëtares U21, Altin Gjokaj.
Gjokaj do t’i bashkohet menjëherë Kombëtares A dhe do të jetë pjesë e grumbullimit deri në përfundim të tij.
Ai konsiderohet një nga portierët më premtues të gjeneratës së re, ndërsa kjo ftesë vlerësohet si një mundësi e rëndësishme për të fituar përvojë në nivelin më të lartë të përfaqësueses.