Babai i 22-vjeçares Mahsa Amini, e cila vdiq në paraburgim javën e kaluar, ka akuzuar autoritetet se kanë gënjyer për vdekjen e saj. Në të gjithë vendin po mbahen protesta për vdekjen e saj.
Amjad Amini, vajza e të cilit, Mahsa, vdiq pasi u arrestua në Teheran nga policia e moralit, tha se mjekët nuk e kishin lejuar ta shihte vajzën e tij pas vdekjes.
Autoritetet iraniane thanë se ajo vdiq pas një sulmi kardiak dhe pasi ra në koma, por familja e saj tha se vuante nga sëmundje të zemrës, sipas Emtedad news, një media iraniane. Skepticizmi publik mbi rrëfimin e zyrtarëve për vdekjen e saj ka shkaktuar zemërim që është përhapur në protesta vdekjeprurëse.
“Ata po gënjejnë. Ata po thonë gënjeshtra. Gjithçka është gënjeshtër… pa marrë parasysh sa shumë u luta, ata nuk më lanë ta shihja vajzën time”, tha Amjad Amini për BBC.
Protestat dhe përleshjet vdekjeprurëse me policinë kanë shpërthyer në qytete anembanë Iranit, pavarësisht përpjekjeve të autoriteteve për të frenuar përhapjen e demonstratave përmes ndërprerjeve të internetit./UBTNews/