Ministria e Shëndetësisë ka ndaluar aktivitetet për “Black Friday”, si masë mbrojtëse ndaj pandemisë.
Në njoftimin e Ministrisë bëhet e ditur se me vendimin e fundit për masat e reja, ndalohet grumbullimi i më shumë se pesë personave në hapësira publike.
“Grumbullimi i njerëzve në këtë kohë të pandemisë është i ndaluar edhe me vendime të Qeverisë së Republikës së Kosovës. Në bazë të vendimit të fundit të Qeverisë për masa të reja për mbrojtjen nga COVID-19, ndalohet grumbullimi i më shumë se pesë personave në hapësira publike, prandaj obligohet Policia e Kosovës dhe inspektoratet përgjegjëse të mbikëqyrin zbatimin e masave dhe vendimeve të tjera në zbatimit të Ligjit Nr.07/L-006 për Parandalimin dhe Luftimin e Pandemisë në territorin e Republikës së Kosovës”, thuhet në një njoftimin e MSH-së./UBTNews