Një vajzë me sindromin Down po fillon një karrierë modelimi pasi nënshkroi kontratë me një agjenci të njohur.
Beth Matthews, 22-vjeçare nga Swansea provoi modelimin pasi kushërira e saj u inspirua nga puna e një modeleje Ellie Goldstein, e cila është me sindromin Down dhe përfaqësonte markën Gucci.
Edhe Beth nënshkroi me të njëjtën agjenci sikurse Goldstein – Zebedee – që i përfaqëson personat me nevoja të veçanta. E ëma e saj, Fiona Matthews, tha se ajo ‘po lulëzonte’ qysh prej kur filloi modelimin. Që nga nënshkrimi i kontratës me markën Zebedee, ajo realizoi shumë fotosesione.
Agjencia u krijua pesë vjet më parë, me qëllim rritjen e përfaqësimit të personave me nevoja të veçanta, si dhe personave trans dhe jobinarë. Rreth 47 mijë njerëz në Mbretërinë e Bashkuar kanë sindromin Down, që shkaktohet nga një kromozom ekstra./UBTNews