Muzeu Kombëtar i Artit Mesjetar çeli sot ekspozitën e punimeve në gdhendje druri të një prej artizanëve më të njohur të Korçës. Ekspozita prezanton veprat e tij të gjithanshme, të cilat reflektojnë folklorin dhe traditat e pasura të rajonit, të përpunuara me pasion dhe precizion. 
Ky aktivitet organizohet në kuadër të projektit “Origjina dhe Artizanati”, i cili synon të promovojë trashëgiminë kulturore dhe të transmetojë njohuritë dhe teknikat e punës së dorës te brezat e rinj.
Në hapjen zyrtare të ekspozitës morën pjesë fëmijë të moshave të ndryshme, të cilët me interes i ndoqën demonstrimet e artizanit mbi procesin e gdhendjes së drurit. Vizitorët e tjerë, tërhequr nga pasionet e ngjashme për artin dhe kulturën, shfaqën një interes të veçantë ndaj veprave të ekspozuara, shkruan Agjencia Telegrafike Shqiptare.
Drugdhendja, si një traditë e hershme në kulturën shqiptare, ka qenë gjithmonë pjesë e jetës së përditshme dhe e objekteve të shumta artistike dhe përdorimore. Përdorimi i motiveve gjeometrike, floreale dhe zoomorfe, të gdhendura me mjeshtëri të lartë, shënon thelbin e kësaj ekspozite, duke e bërë atë një pikë kryesore të promovimit të trashëgimisë kulturore dhe traditave artizanale në Korçë dhe më gjerë.
Aktivitetet e tilla jo vetëm që zbulojnë thellësinë e trashëgimisë sonë kulturore, por gjithashtu kontribuojnë në ruajtjen dhe përcjelljen e njohurive të pasur të artizanëve të talentuar shqiptarë./UBTNews/