Lionel Messi është nominuar për “Topin e Artë 2026”, pas një tjetër sezoni të jashtëzakonshëm me Inter Miamin.
Kapiteni i Argjentinës regjistroi 45 gola dhe 30 asistime në 49 paraqitje gjatë sezonit 2025/26, duke e ndihmuar Inter Miamin të fitojë për herë të parë MLS Cup.
Statistikat e tij mbresëlënëse dhe ndikimi i vazhdueshëm në sukseset e klubit i kanë siguruar Messit edhe një herë një vend në mesin e kandidatëve për çmimin prestigjioz.
Messi, i cili e ka fituar “Topin e Artë” tetë herë, mbetet një prej futbollistëve më të dekoruar në historinë e futbollit. Ai e ka fituar këtë çmim në vitet 2009, 2010, 2011, 2012, 2015, 2019, 2021 dhe 2023.
Në moshën 39-vjeçare, argjentinasi vazhdon të jetë pjesë e elitës së futbollit botëror dhe tash synon të shtojë edhe një tjetër trofe individual në koleksionin e tij.
Nëse do ta fitonte sërish, Messi do ta ngrinte në nëntë numrin e “Topave të Artë” në karrierën e tij.
D.L