Lionel Messi ka ndezur rrjetet sociale me komentin e tij emocionues për fitoren e Barcelonës 4-0 në “El Clasico” ndaj Real Madridit, e cila u zhvillua të shtunën në “Santiago Bernabeu”.
I njohur si një nga lojtarët më të mëdhenj të historisë, Messi, aktualisht sulmues i Inter Miami, shpërndau një mesazh në Instagram duke shkruar: “Sa fitore e bukur!!!”, pas publikimit të rezultatit nga klubi katalanas. Ky koment, i cili mori më shumë se një milion “like”, shprehu përkushtimin e tij ndaj ish-klubit dhe emocionoi tifozët e Barcelonës.
Fitorja e madhe ndihmon Barcelonën të konsolidojë epërsinë e saj në La Liga me 6 pikë përpara rivalëve të saj, duke shkaktuar një valë krenarie ndër tifozët. Të shumtë ishin ish-lojtarët e njohur, si Luis Suarez, Andrés Iniesta dhe Gerard Pique, të cilët gjithashtu ndanë emocione të ngjashme dhe postuan për këtë sukses.
Ky “poker” i Barcelonës ka shkaktuar një reagim të madh, duke e bërë këtë ndeshje një nga ato që do të mbahet mend për shumë kohë. Messi, me këtë reagim, konfirmoi se edhe pse është larguar, lidhja e tij me Barcelonën mbetet e fortë./UBTNews/