Lionel Messi e ka befasuar një tifoz të vetin të veçantë, i cili nuk është çfarëdo tifozi. Hernan Mastrangel është një tifoz unik me tregime të veçanta. Ai e shënon çdo gol të Messit në fletoren e vet.
Tregimi për Hernanin bëri bujë të madhe në rrjetet sociale sepse 100-vjeçari e shënon me dorë dhe një laps të thjeshtë çdo gol të Messit, qoftë ai për Barcelonën apo Argjentinën, në fletoren e vet, raporton Gazeta Express.
Messi mësoi për Hernanin së fundmi dhe pasi e fitoi Kupën e Amerikës 2021 – trofeun e parë të madh dhe shumë të munguar me Argjentinën – vendosi ta përshëndes atë përmes një videoje të incizuar.
“Përshëndetje Hernan. Tregimi juaj arriti tek unë” thotë Messi në video.
“Më duket çmenduri që ju i keni regjistruar golat e mia në atë mënyrë dhe kjo është arsyeja përse unë dëshiroj t’ju dërgoj shumë përqafime për atë që jeni duke e bërë”, theksoi Messi drejtuar Hernanit.
Pasi nipi i tij Julian ia tregoi videon e Messit, Hernani tha: “Mos më thuaj se ky është Messi”.
“Unë gjithmonë ju kam përcjell dhe do t’ju përcjell deri në fund. Do të jem pas teje”, ka thënë Hernan për Messin pasi e ka parë videon e tij.
🥰 Messi le envió un video a Don Hernán, el abuelo de 100 años que anota a mano cada uno de sus goles
— Diario Olé (@DiarioOle) July 14, 2021
🔟 "Me llegó tu historia y me parece una locura, ni yo tengo guardado los goles de esa manera. Quería agradecerte por lo que hacés"
⚽️ Si ésto no le emociona… pic.twitter.com/QhPSugmjhK