Konfuzioni është shkaktuar pasi Ukraina njoftoi se do të zëvendësonte ministrin e saj të Mbrojtjes, Oleksii Reznikov – dhe më vonë u tërhoq.
Zyrtari i lartë ukrainas, David Arakhamia, kishte thënë dje se Reznikov do të transferohej në postin e ministrit të industrive strategjike, duke shënuar ri-organizimin më të lartë brenda qeverisë së Ukrainës që nga fillimi i konfliktit.
Ai nuk dha detaje të tjera për këtë çështje.
Ministri i Mbrojtjes u prit ngrohtësisht në kryeqytetet perëndimore këtë javë, ndërsa Ukraina po përgatitet për një ofensivë të përtërirë ruse.
Presidenti ukrainas, Zelenskyy, është përpjekur të pastrojë qeverinë dhe zyrat e tij të larta nga korrupsioni, si pjesë e planeve për t’i dhënë fund reputacionit prej dekadash të vendit për korrupsion.
Zelenskyy shpreson të tregojë se Ukraina është një kujdestar i besueshëm i miliarda dollarëve që po jepen nga Perëndimi në ndihmë ushtarake dhe civile.
Ministri i Mbrojtjes nuk është përfshirë publikisht në asnjë skandal, ndonëse një zëvendës i tij dhe disa zyrtarë të tjerë janë larguar.
Presidenti ukrainas ka heshtur për çështjen e shkarkimit të mundshëm të z. Reznikov, ndërsa vetë ministri i mbrojtjes tha dje se nuk ishte informuar për ndonjë veprim./UBTNews/