Koreja e Jugut është bërë vendi i fundit në rajonin e Azisë Paqësorit që ka marrë parasysh braktisjen e strategjisë së saj të eliminimit të koronavirusit, duke njoftuar planet për të hequr potencialisht kufizimet e Covid-19 pavarësisht rritjes së numrit të rasteve, transmeton UBT News.
Seuli po përpiqet të vërë nën kontroll shpërthimin e katërt dhe më të madh të vendit të rasteve me Covid-19, me më shumë se 2,100 infeksione të reja lokale të raportuara në 24 orët e fundit.
Zona e Seulit të Madh mbetet nën kufizimet e nivelit 4, që janë masat më të ashpëra në dispozicion, ku një ndër to është ndalimi i tubimeve me pesë ose me më shumë njerëz.
Autoritetet kanë frikë se festa e ardhshme koreane e Falënderimeve Chuseok që fillon më 17 shtator mund të përkeqësojë shpërthimin.
Pavarësisht rritjes së fundit të rasteve, zyra e Presidentit Moon Jae-in njoftoi planet e mundshme të mërkurën për të hequr kufizimet, pasi një pjesë e madhe e popullsisë të jetë plotësisht e vaksinuar.
Zyra e Moon tha se sapo 80% e të rriturve të kenë marrë të dyja dozat, si dhe 90% të njerëzve të moshës mbi 60 vjeç, kufizimet në jetën e përditshme do të lehtësohen në të gjithë vendin./UBTNews