Rep artistja e mirënjohur amerikane, Megan Thee Stallion, do të diplomojë së shpejti. Të martën fituesja e çmimit Grammy publikoi disa fotografi, duke njoftuar se është gati për të diplomuar në Universitetin e Teksasit, në fushën e administrimit shëndetësor.
“2021, më në fund jam gati për ta përfunduar kolegjin. Po i realizoj fotografitë e diplomimit sot. Mezi pres t’i shihni ato”, shkroi rep artistja krahas fotografive.
Në qershor të vitit 2020, ajo i tha revistës People se ishte e vendosur t’i përfundonte studimet për të nderuar nënën e saj të ndjerë.
“Dua të diplomojë sepse dua që nëna ime të jetë krenare me mua”, deklaroi atëkohë artistja.
E ëma e saj, Holly Thomas, vdiq në mars të vitit 2019 pas një beteje me tumorin./UBTNews