Më shumë qytetarë kanë vdekur në Mbretërinë e Bashkuar se sa kanë lindur në vitin 2020, për herë të parë që nga viti 1976.
Në vitin 2020, 90 mijë vdekje u regjistruan si rezultat i koronavirusit në të gjithë Mbretërinë e Bashkuar, duke e çuar numrin e përgjithshëm të vdekjeve në 690 mijë, një rritje prej 85 mijë nga 2019, sipas Zyrës për Statistikat Kombëtare (ONS).
Në të njëjtën kohë, numri i lindjeve ra në 683 mijë, nga 29 mijë në krahasim me vitin 2019. Në përgjithësi, ONS tha se “ndryshimi natyror” i popullsisë së MB ishte negativ për 6,400 njerëz, hera e parë që vdekshmëria ka tejkaluar numrin e lindje në 44 vjet.
“Pandemia e koronavirusit nënkuptonte që 2020 ishte një vit i jashtëzakonshëm për demografinë në Britani”, tha ONS.
Ata shtuan se koronavirusi ndikoi në ndryshimin e popullsisë në fillim të vitit 2021 dhe se do të vazhdojë ta bëjë këtë në të ardhmen duke pasur parasysh efektin e bllokimit dhe pasigurinë më të gjerë në planifikimin familjar dhe pjellorinë.
Mesatarja e Mbretërisë së Bashkuar u nxit nga trendet në Skoci dhe Uells, të cilat regjistruan më shumë vdekje sesa lindje. Numri i fëmijëve të lindur ishte më i lartë se numri i vdekjeve në Angli dhe Irlandën e Veriut.