Conor McGregor do të përballet me një kundërshtar serioz, si Dustin Poirier në mëngjesin e së dielës, diku rreth orës 04:00.
Objektivi është vetëm fitorja për të harruar humbjen e rëndë të pësuar në duelin me Khabib Nurmagomedov në vitin 2019.
McGregor dhe Poirier janë sfiduar mes tyre edhe në vitin 2014, në atë rast “The Notorious” triumfoi.
Kanë kaluar 7 vjet, por irlandezi ndihet ende në formë.
“Ndihem sikur sapo kam filluar. Të gjithë më thonë: hej, Conor, ke bërë atë që mund të bëje, je më i pasur se Dana White, çfarë bën këtu?. Dua të jem, dua të dhuroj spektakël. Jam i ri dhe kam pasur gjithçka: para, xherdanë të artë, famë. Por dua më shumë. Dua që të gjitha arritjet e mia të vihen në radhë si në një film, që një ditë, kur të jem ulur me djalin tim, të mendoj të kaluarën dhe të shijoj jetën” – tha McGregor.
“The Notorius”, gjithsesi, ruan respekt për kundërshtarin e tij amerikan.
“Poirier është një kundërshtar i madh, por unë jam kampion i dyfishtë dhe një kampion i dyfishtë i mposht dy herë rivalët e tij. Khabib? Gjërat shkuan në personale. Ka kaluar shumë kohë, por beteja mes meje dhe tij nuk ka përfunduar. Sporti nuk duhet të përfundojë. Unë nuk e kam pishman, nëse ai nuk do, nuk e ndjek. Ndërkohë, jam kthyer te peshat e lehta” – u shpreh ai.