Ruja Ignatova, e njohur gjithashtu edhe si “mbretëresha e arratisur e kriptos”, ka hyrë në topdhjetëshen e më të kërkuarve të FBI.
Gruaja bullgare, që besohet se është në të ’40-tat, po kërkohet nga FBI për përfshirjen në një skemë mashtrimi me kriptovaluta, e njohur si OneCoin. Hetuesit federalë e akuzojnë të arratisurën për përdorimin e skemës për të mashtruar viktimat për më shumë se 4 miliardë dollarë (3.2 miliardë paund). Ajo është zhdukru që nga viti 2017, kur zyrtarët amerikanë nënshkruan një urdhër arresti dhe hetuesit filluan ta kapnin atë.
Në vitin 2014, OneCoin, një kriptovalutë e vetëpërshkruar, filloi t’u ofronte blerësve komision nëse ata ua shisnin valutën shumë njerëzve. Por agjentët e FBI-së thonë se OneCoin ishte e pavlefshme dhe nuk u mbrojt kurrë nga teknologjia blockchain e përdorur nga kriptovalutat e tjera.
Sipas pretendimeve të bëra nga prokurorët federalë, në thelb ishte një skemë Ponzi e maskuar si një kriptomonedhë./UBTNews/