Mbretëresha Margrethe II, do të dizajnojë skenat për një film të ardhshëm të Netflix të përshtatur nga një roman i Karen Blixen, sipas raporteve të fundit, transmeton UBT News.
Në një deklaratë, Margrethe tha: “Tregimet e Karen Blixen më kanë magjepsur gjithmonë, me përrallat e tyre estetike, imagjinatën e tyre dhe, për mua, botën e krijimit të imazhit-dhe jam shumë e lumtur që jam pjesë e këtij projekti. Unë jam përpjekur të interpretoj universin fantastik të Blixen në krijimin e dekupazheve dhe kostumeve dhe mezi pres të shoh historinë e Ehrengardit që vjen në jetë në këtë film”.
Margrethe, e cila u ngjit në fronin danez në vitin 1972 dhe është komandante e përgjithshme e forcave mbrojtëse të Danimarkës, gjithashtu ka pasur një karrierë të gjatë si artiste, duke përfshirë vizatimin e ilustrimeve për botimet daneze të Lord of the Rings, dhe ekspozita në galeri përfshirë Muzeun Arken të Artit Modern në Ishoj pranë Kopenhagenit./UBTNews