Kryeministri britanik Rishi Sunak ka pësuar dorëheqjen e tij të parë ministrore, vetëm dy javë nga dita që kur lideri i ri mori detyrën dhe bëri emërimin.
Ministri i Zyrës së Kabinetit, Gavin Williamson tha se ai po largohej për të “kompletuar plotësisht” një hetim nëse ai kishte ngacmuar kolegët gjatë roleve të mëparshme.
Sunday Times dhe gazeta të tjera kanë raportuar se Williamson i kishte trajtuar zyrtarët qeveritarë në mënyrë agresive dhe u kishte dërguar kolegëve mesazhe fyese e kërcënuese.
Sipas The Guardian, kishte pretendime se ai i kishte thënë një nëpunësi të lartë civil që të “priste fytin” kur ishte sekretar i mbrojtjes.
Williamson ishte shkarkuar më parë nga ai post dhe nga një tjetër si ministër arsimi nga paraardhësit e Sunak.
Sunak është vënë nën kritika për zgjedhjen e disa prej ministrave të tij, pasi ai u zgjodh si kryeministri i tretë i Britanisë në dy muaj, duke u zotuar të rivendosë integritetin dhe profesionalizmin në zemër të qeverisë./UBTNews/