Humbja nga Real Madridi dhe rrjedhimisht përjashtimi nga Liga e Kampionëve mund t’i kushtojë me humbjen e vendit të punës Mauricio Pochettinos, trajnerit të PSG-së.
Pochettino thuhet se është në rrezik të madh për t’u larguar nga “Parku i Princave” pasi nuk arriti të përmbushë objektivin e tij kryesor për të siguruar triumfin në Ligën e Kampionëve në këtë sezon.
Drejtuesit e PSG-së raportohet se janë të pakënaqur me Pochettinon, i cili u emërua për të zëvendësuar Thomas Tuchelin në janar të vitit të kaluar dhe së shpejti mund të detyrohet të paguajë me punën e tij. Ai pritet të largohet nga klubi në fund të sezonit, por ka shans që largimi i tij mund të përshpejtohet si rezultat i humbjes zhgënjyese të së mërkurës, sipas “The Telegraph”.
Thuhet se PSG ka kohë që po e shqyrton idenë e një ndryshimi në menaxhim për shkak të dyshimeve të brendshme nëse Pochettino ka arritur që të ambientohet në kryeqytetin francez./UBTNews/