Mattel po sjell një kukull të re Barbie për parashkollorët, meqë kompania konsideron se është më e përshtatshme për nevojat e tyre.
Kukulla, e quajtur “My First Barbie”, është krijuar posaçërisht për fëmijët tre vjeç e më të vegjël, tha Lisa McKnight, nënkryetare ekzekutive dhe drejtuese globale e Barbie dhe kukullave për Mattel. Gama e moshës për kukullat origjinale Barbie është për fëmijët 3 vjeç e lart.
“Ne flasim me prindërit dhe fëmijët pothuajse çdo ditë. Interesante, ajo që u vu në pah gjithnjë e më shumë nga vetë prindërit që u rritën me kukullën Barbie është se ata donin një kukull Barbie me të cilën mund të luanin fëmijët më të vegjël me më pak shkathtësi”, tha McKnight.
Megjithëse prodhuesi i lodrave ka prezantuar kukullat “My First Barbie” gjatë viteve, ky është versioni i parë i kukullës ikonike për fëmijët parashkollorë./UBTNews/