Cristiano Ronaldo do të gjobitet me të paktën 1 milion funte për vendimin për të dhënë intervistë për gazetarin Piers Morgan, në të cilën ai sulmoi trajnerin Erik ten Hag, bordin e Manchester United dhe standardet e klubit.
37-vjeçari shpërtheu gjatë kësaj interviste, e cila erdhi vetëm disa orë pas fitores 2-1 të United kundër Fulhamit në “Craven Cottage”.
Ronaldo nuk ishte pjesë e kësaj fitoreje për shkak të sëmundjes, pasi kishte munguar edhe në fitoren e Carabao Cup kundër Aston Villas të enjten.
Kapiteni i Portugalisë kishte kërkuar të largohej nga klubi verën e kaluar, por iu mohua dëshira e tij dhe ai u detyrua të qëndronte si zgjedhja e dytë ndaj lojtarëve si Marcus Rashford dhe Anthony Martial deri më tani këtë sezon.
Ronaldo u gjobit me dy ndalesë të dy pagave në tetor, kur ai refuzoi të hynte si zëvendësues kundër Tottenhamit, me sulmuesin që vendosi të largohej nga stadiumi para përfundimit të ndeshjes.
Dhe United pritet të bëjë të njëjtën gjë këtë herë, me Ronaldon që do të përballet me një tjetër gjobë prej rreth 1 milion funteve, raporton tabloidi britanik “Metro”.
Klubi ka refuzuar të komentojë intervistën e Ronaldos, por një vendim pritet të merret së shpejti ndaj yllit portugez.
Ronaldo ka të ngjarë të ketë luajtur ndeshjen e tij të fundit për klubin dhe ai mund të lirohet para afatit kalimtar të janarit.