Malisheva është në kërkim të trajnerit të ri pas largimit të Thomas Brdaric, ndërsa një nga kandidatët për të marrë drejtimin e skuadrës është italiani Luigi Nocentini.
Gazetari Andre Oechsner ka raportuar se 37-vjeçari është në bisedime me drejtuesit e klubit kosovar për postin e trajnerit. Nocentini aktualisht është pa angazhim dhe palët janë në kontakt për mundësinë e bashkëpunimit.
Së fundmi, italiani ishte pjesë e stafit të FC Basel, ku përkohësisht mori drejtimin e skuadrës pas shkarkimit të Stephan Lichtsteinerit. Më herët, ai kishte punuar si asistent i Fabio Celestinit, Ludovic Magninit dhe Lichtsteinerit.
Gjatë karrierës së tij, Nocentini ka qenë pjesë e stafit të klubeve si Empoli, Genoa dhe Napoli, ndërsa ka punuar edhe me Kombëtaren e Ukrainës.
D.L