Erling Haaland, ylli i Manchester Cityt, ka shënuar një tjetër rekord historik me kombëtaren e Norvegjisë. Me dy golat e tij në fitoren 3-0 ndaj Sllovenisë, Haaland është bërë golashënuesi më i mirë i të gjitha kohërave për Norvegjinë, me 34 gola të shënuar në vetëm 36 ndeshje.
Në këtë ndeshje të zhvilluar më 10 tetor 2024, Haaland realizoi dopietën në minutat 7 dhe 62, duke ndihmuar kombëtaren e tij të dominojë kundërshtarët. Ky sukses e konfirmon Haaland si një nga sulmuesit më të rrezikshëm dhe të efektshëm në futbollin botëror.
Me vetëm 24 vjeç, Haaland ka një mesatare mbresëlënëse prej 1.2 gola për ndeshje. Ai ka luajtur gjithsej 391 ndeshje midis klubeve dhe kombëtareve të të rinjve e seniorëve, duke shënuar 323 gola në total, një statistikë që i tremb çdo kundërshtar.
Debutimi i Haaland me Norvegjinë erdhi më 11 shtator 2018, në një ndeshje kundër Azerbajxhanit të vlefshme për kualifikimet e Kampionatit Evropian 2019. Që nga ajo ditë, ai është bërë simbol i suksesit të futbollit norvegjez dhe vazhdon të vendosë standarde të reja në arenën ndërkombëtare.
Me këtë rekord, Haaland jo vetëm që e forcon pozicionin e tij si një nga lojtarët më të mirë të brezit të tij, por edhe si një trashëgimi që do të lërë gjurmë të pashlyeshme në historinë e futbollit./UBTNews/