Në Lojërat Olimpike të Parisit 2024, xhudistja kosovare Loriana Kuka ka arritur në rrethin e dytë të garës në kategorinë deri në 78 kilogramë, pasi e mposhti sllovenen Metka Lobnik. Kuka triumfoi në mënyrë spektakolare me një ippon, duke e hedhur kundërshtaren në tatami.
Loriana Kuka, 27-vjeçare dhe e njohur për sukseset e saj të mëparshme në skenën ndërkombëtare, do të përballet tani me ukrainasen Yelyzaveta Lytvynenko. Ajo është në kërkim të medaljes së parë olimpike në karrierë, pasi ka fituar shtatë medalje të arta në garat ndërkombëtare të mëparshme.
Kuka është xhudistja e vetme e mbetur e Kosovës në Lojërat Olimpike të Parisit, pasi katër garues të tjerë kanë përfunduar garat e tyre. Në të njëjtën periudhë, kampionia olimpike Distria Krasniqi arriti të fitonte medaljen e argjendtë, ndërsa Laura Fazliu mori medaljen e bronztë.
Akil Gjakova dhe Nora Gjakova, dy xhudistë të tjerë nga Kosova, nuk arritën të siguronin medalje në këto lojëra./UBTNews/
