Forca të shtuara të sigurisë janë vendosur rreth stadiumit “Wembley”, përpara ndeshjes Angli-Itali që zhvillohet sonte nga ora 20:45.
Kjo pas sulmit xhihadist në Bruksel të hënën, në të cilin dy tifozë suedezë mbetën të vrarë gjatë një tjetër ndeshje kualifikuese për Euro2024, Belgjikë-Suedi.
Kjo u njoftua nga Departamenti për Siguri në Londër duke thënë se një prani më e madhe e agjentëve do të shtrihet në të gjithë zonën afër stadiumit.
Ndryshe, autoritetet belge sot në mëngjes kanë bërë të ditur se sulmuesi i së hënës mbrëma tashmë është vrarë nga autoritete policore.