Dhjetë javë para fillimit të Lojërave Olimpike Tokio 2020, organizatorët premtojnë se do të bëjnë gjithçka që Lojërat të organizohen sa më sigurt.
Japonia është duke u përballur me shpërthim të koronavirusit, me vetëm 1% të popullsisë së vaksinuar – teksa po bëhen thirrje që Lojërat Olimpike të anulohen.
Presidenti i Komitetit Ndërkombëtar Olimpik, Thomas Bach thotë se autoritetet japoneze dhe ato të Tokio 2020, do ta marrin vendimin e duhur sa i përket menaxhimit të situatës dhe rreziqet do të menaxhohen siç duhet.
Bach dhe zyrtarët e tjerë iu përgjigjën kritikave, teksa presidenti i Komitetit, thekson se do të angazhojnë edhe staf shtesë në mënyrë që të respektohen masat antiCOVID. Ai shtoi se 75% e njerëzve që do të marrin pjesë janë vaksinuar tashmë, teksa organizatorët shpresojnë që numri i të vaksinuarve të shkojë mbi 80%.
Më herët gjatë këtij muaji, një peticion përmes së cilit kërkohej anulimi i Lojërave Olimpike, mblodhi 350 mijë nënshkrime brenda nëntë dite./UBTNews