Skuadra e Llapit e ka filluar rrugëtimin evropian me humbje. Është mposhtur në Rrethin e Parë Kualifikues të UEFA Conference League, nga Buducnosti i Malit të Zi.
Pas 90’ minutave lojë të zhvilluara në stadiumin “Pod Goricom”, Llapi ka pësuar dy gola dhe ka dështuar ta gjejë golin e nderit kundër Buducnost.
Rezultatin i pari e zhbllokoi Lazar Mijovic, i cili shënoi për 1:0 në minutën e 23’, kurse golin e dytë për Buducnost e shënoi Uros Ignjatovic në minutën e 32’ të ndeshjes, dy minuta më herët, mbrojtësi Bianor Neto u përjashtua nga loja me karton të kuq dhe nga aty pësoi skuadra dyfishin e avantazhit.
Pas humbjes së djeshme, Llapi do ta ketë mundësinë e fundit që ta sigurojë kualifikimin tutje kur e zhvillon ndeshjen e kthimit më 14 korrik, në rolin e vendasit në stadiumin “Fadil Vokrri”. /UBTNews/