Ekzekutivët nga linjat ajrore më të mëdha të vendit i kërkuan administratës Biden për “ndërhyrje të menjëhershme” pas planifikimit për vendosjen e teknologjisë 5G pranë aeroporteve kryesore, duke paralajmëruar për transport të tmerrshëm dhe pasoja ekonomike.
Në letrën e dërguar thuhet se diskutimet midis linjave ajrore dhe industrisë së telekomunikacionit janë në vazhdim.
“Nëse qendrat tona kryesore nuk lejohen të fluturojnë, shumica dërrmuese e publikut udhëtues dhe transportues në thelb do të ndalohet. Kjo do të thotë se në një ditë si dje, më shumë se 1,100 fluturime dhe 100,000 pasagjerë do t’i nënshtrohen anulimeve, devijimeve ose vonesave”.
Letra iu drejtua Shtëpisë së Bardhë, Departamentit të Transportit, Komisionit Federal të Komunikimeve dhe FAA-së.
Nënshkruesit e letrës përfshijnë: drejtues të Alaska Airlines, American Airlines (AAL), Atlas Air (AAWW), Delta Air Lines (DAL), Hawaiian Airlines, JetBlue Airways (JBLU), Southwest Airlines (LUV), United Airlines, dhe operacionet e linjave ajrore në FedEx (FDX) dhe UPS (UPS).
Të hënën në mbrëmje, United Airlines paralajmëroi për “një ndikim shkatërrues në aviacion” nëse 5G shpërndahet pranë aeroporteve.
“Kur vendosen pranë pistave, sinjalet 5G mund të ndërhyjnë në pajisjet kryesore të sigurisë në të cilat pilotët mbështeten për t’u ngritur dhe për t’u ulur në mot të keq”, tha United në një deklaratë./UBTNews/