Udhëheqësi separatist i Donetskut, Denis Pushilin, ka shprehur se “republika” e tij e mbështetur nga Moska dhe Koreja e Veriut mund të arrijnë “bashkëpunim dypalësh po aq të dobishëm duke rënë dakord me interesat” e popullit të tyre, tha sot Agjencia Qendrore e Lajmeve Koreane e Koresë së Veriut.
Mesazhi, dërguar Phenianit, vjen pasi Koreja e Veriut besohet se po shqyrton dërgimin e punëtorëve për të punuar në projektet e restaurimit në rajonet e Ukrainës, të pushtuara nga Rusia.
Koreja e Veriut muajin e kaluar u bë një nga vendet e pakta në botë që njohu Donetskun dhe Luhanskun, një tjetër rajon separatist i mbështetur nga Rusia në Ukrainën lindore, duke bërë që Kievi të ndërpresë lidhjet diplomatike me Phenianin.
Ministria e Jashtme e Donetskut tha se ambasadorja e saj në Rusi, Olga Makeeva, u takua me ambasadorin e Koresë së Veriut në Rusi, Sin Hong Chol, në Moskë më 29 korrik për të diskutuar bashkëpunimin ekonomik.
Sipas ministrisë, Sin tha se do të kishte “potencial të madh” për bashkëpunim dypalësh në tregti dhe “fushën e migrimit për motive punësimi” pas lehtësimit të kontrolleve kufitare pandemike nga Koreja e Veriut.
Koreja e Veriut thuhet se ka pasur diskutime të ngjashme me Luhanskun./UBTNews/