Aktori Liam Neeson thotë se ai e gjeti dashurinë në xhirimet e filmit të tij të fundit “Blacklight”. Por doli një problem: Ishte në lidhje!
Aktori ishte duke e promovuar filmin e tij në shou-in australian, “Sunrise”, kur ndau këtë rrëfim.
“E desha Melburnin, më pëlqente ekipi i Australisë. Krijova shoqëri dhe u dashurova, por ajo ishte në lidhje”, deklaroi aktori.
Neeson nuk dha detaje se kush ishte ajo, por u shpreh se do të rikthehet në Australi një ditë.
“Mezi po pres të shkojë atje, me të vërtetë”, deklaroi më tej aktori.
Neeson ishte i martuar me aktoren Natasha Richardson nga vitet 1994-2009. Ajo vdiq në një aksident me ski në Kanada. Ata kanë dy djem, Micheál dhe Daniel./UBTNews