Këtë fundjavë, Leonardo DiCaprio dhe Gigi Hadid u panë në Soho, duke u larguar nga restoranti Cipriani Downtown pasi thuhet se po shijonin një darkë të madhe.
Page Six raporton se dyshja nuk ishin ulur pranë njëri-tjetrit gjatë vaktit, i cili përfshinte një grup prej mbi njëzet personash, përfshirë artisten FKA Twigs.
Ata gjithashtu u larguan nga restoranti veçmas disa minuta larg njëri-tjetrit pak para orës 2 të mëngjesit.
Aktori 48-vjeçar dhe modelja 28-vjeçare u përfol se po takoheshin vitin e kaluar, megjithëse lidhja supozohet se u prish pasi ata kaluan pushimet të ndarë – Hadid me vajzën e saj Khai, të cilën ajo e ndan me ish- të dashurin Zayn Malik dhe DiCaprio me një grup miqsh në një jaht.
Hadid dhe DiCaprio janë parë disa herë së bashku në muajt e fundit, përfshirë një festë para Oscars në mars të organizuar nga Darren Dzienciol dhe Richie Akiva.
Në shkurt, ata u panë në Casa Cipriani në Milano në një darkë me Kendall Jenner dhe Dakota Johnson.
Ish-çifti fillimisht u nda sepse Hadid ishte shumë e zënë duke qenë nënë e Khai-t 2-vjeçare. Një burim i tha Page Six në vitin 2022, “Gigi nuk ka energji për të vrapuar pas DiCaprios… Rutina e tij është e tepërt për të”.
Tani nuk dihet nëse ata janë rilidhur apo kanë mbetur vetëm miq./UBTNews/