Kolumbia do të luajë me Panamanë në çerekfinale të Kupës së Amerikës pasi që siguroi vendin e parë në Grupin D me barazimin 1:1 me Brazilin.
Ndeshja u zhvillua në “Levi’s Stadium” në Santa Clara të Kalifornisë. Ky rezultat e çon Kolumbinë në 26 ndeshje pa humbje, 20 fitore dhe gjashtë barazime për kombëtaren e Nestor Lorenzos.
Te Brazili golashënues ishte Raphinha në minutën e 12’, kurse te Kolumbia golin e shënoi Daniel Munoz në minutën e 45+2’.
Me këtë barazim, Kolumbia zë vendin e parë me shtatë pikë, krahas Brazilit që renditet i dyti me pesë pikë.
Po ashtu, krahas kësaj ndeshje u zhvillua edhe përballja mes Kosta Rikës dhe Paraguait, ku ky i fundit pësoi humbje 2:1.
Kosta Rika renditet në pozitën e tretë në Grupin D me katër pikë, krahas Paraguait që zë vendin e fundit me asnjë pikë.