Sot me fillim nga ora 16:00 në stadiumin “Fadil Vokrri” Kombëtarja e Kosovës do të zhvilloj ndeshje si vendase kundër Shqipërisë, e vlefshme kjo për xhiron e gjashtë të fazës së grupeve në kualifikimet drejt Kampionatit Botëror 2023 për femra.
Kosova dhe Shqipëria gjenden në Grupin F të këtyre kualifikimeve së bashku me kombëtaret e tjera si ajo e Norvegjisë, Polonisë, Belgjikës dhe Armenisë.
Momentalisht, pas pesë ndeshjeve të zhvilluara në këtë grup, Kosova renditet në vendin e katërt me gjithsej katër pikë, aq sa ka edhe Shqipëria që renditet në vendin e pestë.
Të dy kombëtaret deri tani kanë zhvilluar dy ndeshje mes vete, ku një fitore kanë regjistruar femrat e Shqipërisë, ndërsa një herë kanë ndarë pikët e barabarta.
Grupi F
16:00 Kosova (femrat) – Shqipëria (femrat) (Stadiumi Fadil Vokrri)