E përditësuar:
09:50
Presidentja e Kosovës, Vjosa Osmani, ka pritur në takim Ministren e Punëve të Jashtme të Finlandës dhe njëkohësisht kryesuese të OSBE-së, Elina Valtonen.
Takimi është zhvilluar në kabinetin e presidentes pa praninë e mediave.
Gjatë qëndrimit në Prishtinë, kryesuesja e OSBE-së, Valtonen, pritet të zhvillojë takime edhe me përfaqësues të shoqërisë civile, Akademisë së Dialogut të OSBE-së, KFOR-it dhe Misionit të OSBE-së në Kosovë.
Në orën 11:45, Valtonen do të mbajë një konferencë për media./S.K/EO/
08:30
Ministrja e Punëve të Jashtme të Finlandës, Elina Valtonen, në cilësinë e kryesueses së radhës së OSBE-së, do të qëndrojë sot në Kosovë.
Sipas njoftimit të Presidencës së Kosovës, Valtonen do të takohet me presidenten Vjosa Osmani dhe takimi do të mbahet në ora 9:20.
Ndërkaq, në ora 11:45, Valtonen pritet të mbajë konferencë për media./S.K/KP/