Idit Silman, një anëtare kyçe e partisë Yamina të kryeministrit izraelit Naftali Bennett tha të mërkurën se ajo po largohej nga qeveria e tij e koalicionit, lëvizje kjo e papritur që e lë Bennett pa një shumicë parlamentare.
“Kam provuar rrugën e unitetit. Kam punuar shumë për këtë koalicion”, tha në një deklaratë Silman.
“Mjerisht, nuk mund të marr pjesë në dëmtimin e identitetit hebre të Izraelit”, shtoi ajo.
Të hënën, Silman sulmoi ministrin e Shëndetësisë, Nitzan Horowitz, pasi ai udhëzoi spitalet të lejojnë produktet e bukës së thartë në objektet e tyre gjatë festës së ardhshme të Pashkës. Sipas traditës hebraike, buka pa maja nuk lejohet në domenin publik gjatë Pashkës.
“Unë po i jap fund anëtarësimit tim në koalicion dhe do të përpiqem të vazhdoj të flas me miqtë e mi që të kthehen në shtëpi dhe të formojnë një qeveri të krahut të djathtë”, tha Silman.
“E di që nuk jam e vetmja që ndihet kështu”./UBTNews/