Kryeqyteti ukrainas i Kievit është i përgatitur për “dimrin më të keq që nga Lufta e Dytë Botërore”, sipas kryetarit të qytetit.
Vitali Klitschko i tha gazetës gjermane Bild se administrata e tij po punonte për të shmangur ndërprerjet e gjera të energjisë elektrike, të cilat mund të rezultojnë në evakuimin e disa zonave.
“Ne gjithashtu duhet të përgatitemi për skenarin më të keq”, tha Klitschko. “Kjo do të ishte nëse do të kishte ndërprerje të mëdha të energjisë dhe temperaturat do të ishin edhe më të ftohta”.
“Atëherë pjesë të qytetit do të duhej të evakuoheshin, por ne nuk duam që të shkojmë deri aty”.
Kujtojmë se më shumë se 10 milionë ukrainas nuk kishin fuqi pas sulmeve nga forcat e Moskës./UBTNews/