Kryetarja e bashkisë së Parisit, Anne Hidalgo ndryshoi qëndrimin e saj ndaj konkurrentëve rusë në Lojërat Olimpike 2024 të martën duke thënë se ata duhet të ndalohen “përderisa lufta vazhdon” në Ukrainë, tha zyra e saj.
Muajin e kaluar Hidalgo tha se ajo besonte që rusët mund të merrnin pjesë “nën një flamur neutral” për të shmangur “privimin e atletëve nga konkurrenca”.
Të martën ajo u tha mediave franceze se pozicioni i saj i mëparshëm ishte “i pahijshëm” sepse një flamur neutral “nuk ekziston realisht”. Zyra e saj tha se ky ishte një “sqarim” i pozicionit të saj.
Ata — atletët rusë që do të mund të lejoheshin sipas fjalimit të saj të parë — tha ajo, do të ishin atletë që nuk “mbështesin Vladimir Putinin në agresionin e tij”.
Që nga fillimi i pushtimit rus të Ukrainës në fund të shkurtit 2022, rusët dhe bjellorusët janë ndaluar nga shumica e ngjarjeve sportive botërore./UBTNews/