Vladimir Putin ka nderuar gratë ruse në një video-mesazh për të shënuar Ditën Ndërkombëtare të Gruas.
Festimi shënohet në të gjithë botën çdo vit si një pikë qendrore në lëvizjen për të drejtat e grave, duke synuar të tërheqë vëmendjen për çështje të tilla si barazia gjinore dhe të drejtat riprodhuese.
Në Rusi, festimi vjetor përdoret si festë publike për nder të rolit të rëndësishëm të grave në shoqërinë e vendit.
“Sot do të doja të bëja nderime për gratë që shërbejnë [për ushtrinë ruse] të cilat zgjodhën misionin më të lartë – mbrojtjen e atdheut”, tha presidenti rus.
“Ju shkruani letra dhe dërgoni pako me gjërat që u nevojiten, bëni rrjeta kamuflazhi dhe jeni vullnetarisht në spitale për t’u kujdesur për çdo ushtar sikur të ishte djali juaj”.
Megjithatë, mesazhi i tij është kritikuar nga një këshilltar i qeverisë ukrainase.
Anton Gerashchenko ndau një video të fjalimit të liderit 70-vjeçar, në të cilin ai foli për “qëndrimin sublim, respektues ndaj amësisë”.
“Kjo është ndoshta arsyeja pse ai i dërgon djemtë dhe burrat e tyre të vdesin” shkroi Gareshchenko./UBTNews/
Putin recorded a message for Russian women on International Women's Day.
— Anton Gerashchenko (@Gerashchenko_en) March 8, 2023
He spoke of the "sublime, respectful attitude towards motherhood" in Russia. That is probably why he sends their sons and husbands to die. pic.twitter.com/2ByrnMj2Tn