Kremlini thotë se shefi i Agjencisë Ndërkombëtare të Energjisë Atomike (IAEA) Rafael Grossi nuk do të takohet me presidentin rus, Vladimir Putin, gjatë vizitës së tij në Moskë këtë javë.
Zëdhënësi i Kremlinit, Dmitry Peskov u tha gazetarëve se Grossi do të takohej me zyrtarë të firmës shtetërore të energjisë bërthamore Rosatom dhe ministrisë së jashtme.
Peskov shtoi se Moska pret “një dialog thelbësor”.
Mbikëqyrësi bërthamor ka shprehur vazhdimisht shqetësime për sigurinë e termocentralit atomik Zaporizhzhia.
Gjatë gjithë konfliktit, uzina ka qenë nën granatime të vazhdueshme për të cilat të dyja palët kanë fajësuar njëra-tjetrën./UBTNews/